Desconvocada la fuelga de tresporte de viaxeros de mañana

CCOO suspende la xornada de fuelga de conductores d'autobuses d'esti llunes

CCOO comunicó esti domingu la decisión de suspender tamién la xornada de fuelga de conductores d'autobuses urbanos, interurbanos y del tresporte discrecional prevista pa mañana 9 d'avientu dempués de que yá lo fixera cola anterior que diba llevase alantre'l pasáu xueves.

El sindicatu esplicó nuna circular que la suspensión ye poles decisiones adoptaes el pasáu llunes 2 d'avientu y basaes na reorganización de la fuelga convocada pa reclamar una xubilación antemanada ensin sufrir retayos económicos pal sector del autobús.

Na so circular, CCOO nun se pronuncia sobro'l restu del calendariu de protestes anunciáu, esto ye, si sigue alantre coles movilizaciones y caltién la convocatoria de fuelga indefinida a partir del próximu 23 d'avientu.