Adictos a compartilo too en redes sociales

El 'oversharing' rellaciónase col 55% de los síntomes d'ansiedá n'España

El 'oversharing' ye un anglicismu que se refier a la necesidá de compartir aspectos de la nuestra vida privada ensin control en redes sociales. Un estudiu fechu pol Seguru de Salú de Línea Directa venceya esta práctica col 55% de los síntomes d’ansiedá n’España.

La primer entruga qu’hai que facese ye cenciella: ¿cuántu tiempu uses el teléfonu móvil?

Vivimos pegaos a los teléfonos móviles, sobre manera la mocedá d’ente 16 y 30 años. Pasen más de siete hores de media, de les que cuatro son en redes sociales. Asturies escapa llixeramente d’esta media.

L’estudiu venceya la impulsividá d’asoleyar en redes sociales la nuestra vida con ansiedá, depresión y agresividá. Amás dicen que los asturianos, les más de les veces, un 66%, amosamos namás la felicidá nes nuestres publicaciones.

Los más mozos reconocen recurrir a estes publicaciones p’aliviar ansiedá o culpa, daqué que se pue camudar con vezos distintos.

Establecer llendes de tiempu, evitar tendencies y sobre manera priorizar el contactu directu coles persones pa que la realidá vuelva a apoderase les de nuestres vides.