Gobiernu y comunidaes destinarán más de 2.000 millones nel nuevu modelu de cuidaos

Prioriza l'atención nel llar y n'entornos comunitarios

El Gobiernu y doce comunidaes autónomes van destinar más de 2.000 millones d’euros pa tresformar el modelu de cuidaos en 2025, que prioriza l’atención nel llar y n’entornos comunitarios frente al modelu actual de grandes residencies.

El ministeriu de Pablo Bustinduy llanzó’l plan operativu pa desendolcar en 2025 la 'Estratexa pa un nuevu modelu de cuidaos na comunidá', aprobada pol Conseyu de Ministros el mes de xunu pasáu, que prioriza los cuidaos personalizaos nel llar pa que les persones que quieran puean siguir nos sos entornos.

En concreto, esti plan, que se dirixe a persones mayores, con discapacidá, menores migrantes tutelaos y persones ensin llar, moviliza 2.053.100 euros apurríos polos gobiernos de doce comunidaes autónomes y pol Gobiernu d’España, que financiarán 695 actuaciones l’añu qu’entra.