Koldo García niega nel Supremu qu'él o Ábalos cobraren comisiones de Víctor de Aldama

El Supremu caltién la retirada del pasaporte a Koldo García tres la so declaración

Koldo García, ex-asesor del ex-ministru de Tresporte José Luis Ábalos, negó cobrar dineru n'efectivo del empresariu Víctor de Aldama o repartise comisiones col so ex-xefe, al empar que refugó que fuera la so lletra la del papel con presuntes axudicaciones que presentó ésti ayeri.

Na so declaración énte'l xuez del Tribunal Cimeru Leopoldo Puente, que s'estendió dos hores y media, Koldo García non solo se desvenceyó de les acusaciones feches escontra él pol empresariu y presuntu algamador de la trama de comisiones en contratos de mázcaros, sinón que tamién refugó ser testigu de supuestes mordíes a dirixentes socialistes.

Ye'l casu del secretariu d'Organización del PSOE, Santos Cerdán, a quien dixo conocer, pero negó apurri-y un sobre con 15.000 euros de De Aldama o tan siquier coincidir con dambos nun chigre, espliquen a EFE fuentes xurídiques.