España apurrió en 2024 el 40% de la medría de la zona euru

Economía calcula que la delda pública menguó al 102,5% del PIB en 2024

El ministru d’Economía, Carlos Cuerpo, avanzó esti martes que la delda pública asitióse nel 102,5% del PIB al pieslle de 2024, al empar que repitió que la medría económica podría llegar al 3,2% l’exerciciu pasáu.

"Nestos últimos años ye qu’algamamos medrar y al empar amenorgar la nuestra delda de manera significativa", destacó Cuerpo na rueda de prensa darréu del Conseyu de Ministros, al qu’informaron de la estratexa de financiación del Tesoru pa 2025.

La ratiu de delda sobre’l PIB caltendrá la so sienda descendente en 2025, cola previsión de que mengüe hasta’l 101,4% a pieslle d’añu.