Enagás entama los primeros trámites ambientales pa la rede troncal d'hidróxenu d'España

La infraestructura tien en Xixón el nuedu de conexón ente la exa que crucia'l país

Enagás entama los trámites medioambientales pa la rede troncal d'hidróxenu n'España. Ye una primer evaluación d'algame pa una infraestructura que tien en Xixón el nuedu de conexón ente la exa que crucia'l país de Norte a Sur, siguiendo la vía de la Plata, y la exa que conecta col Este al traviés del valle del Ebro.

Ye un trámite preliminar y previu a la ellaboración del estudiu d'impactu ambiental pa esta infraestructura de más de 1.200 kilómetros, según esplicó la empresa a TPA.

Enagás ye la compañía nomada como xestor provisional de la rede d'hidróxenu que tien un horizonte temporal de desenvolvimientu de 10 años.