Fitur 2025 zarra les sos puertes con cifres récor y cola vista puesta en Méxicu pa 2026

Unes 250.000 persones pasaron pela feria

La Feria Internacional de Turismu (Fitur) 2025 zarra esti domingu les sos puertes, con un balance d’asistencia "récor" y cola vista puesta na edición del añu viniente, con Méxicu de país convidáu, y que se desendolcará cola "internacionalización" y la "sostenibilidá" como bandera.

Un total de 155.000 profesionales pasaron de miércoles a vienres per esta feria, una cifra "récor", que s’amiesta a les 100.000 persones de públicu en xeneral qu’entraron el fin de selmana y coles que s’espera zarrar esti domingu, afirmó a EFE la directora d’esti eventu, María Valcarce, que fizo un balance "mui positivu" del eventu.

Con ello, pue dicise yá que los oxetivos tán "algamaos y superaos", dixo.