Trubia dexará d'ensamblar los 8x8 na futura estratexa de Tess Defense

Escribano apuesta por Avilés pa convertir el centru d'investigación que yá tienen nel principal n'España

El cambéu nel ensamblaxe de blindaos fadráse dempués de que Tess Defense llevante la so nueva factoría n’Asturies. Lada, Siero y San Cloyo son les opciones onde podría asitiase. El conglomeráu empresarial que desendolcó blindaos 8x8 reconoz retrasos na entrega, pero culpen a los cambeos contractuales col Ministeriu de Defensa y afirmen qu’esti añu entregarán 80 unidaes. El presidente d’Indra, Ángel Escribano, afirma que les empreses dientro del consorciu nun son competidores.

Asegura tamién que la so compañía ta preparada pa medrar entá más. El so oxetivu ye medrar la capacidá productiva y adaptase a la nueva velocidá impuesta pa la industria de defensa.

Dientro del sector Asturies ganará tamién más talentu. El Conseyeru Delegáu del grupu Escribano, Fernando Fernández, dio anuncia de que concentrará n’Avilés tola investigación, el desendolcu tecnolóxicu y la innovación de la so compañía.

Nesti foru en Madrid tamién se reclamó un pactu d’estáu na materia y analizar la capacidá real de fabricación de la industria de la seguridá y defensa nel nuestru país.