Cuasi 2.000 denuncies por delitos d'odiu en 2024, un 10% menos qu'en 2023

Policía y Guardia Civil creen grupos centrales operativos pa investigar delitos d'odiu

L’añu pasáu presentáronse n’España 1.955 denuncies por delitos d’odiu -un 10 por cientu menos qu’en 2023-, una cifra provisional pero que, en palabres del ministru del Interior, Fernando Grande-Marlaska, indica situaciones de racismu, xenofobia, ataques por orientación sexual, islamofobia, aporofobia, antisemitismu y otros tipos de discriminación "terribles".

Marlaska dio esta cifra na presentación del III Plan de Llucha escontra los Delitos d’Odiu y señaló que más de 1.800 persones fueron l’añu pasáu a les comisaríes y cuarteles pa "buscar ayuda frente agresiones qu’atenten directamente a la so dignidá".

"Más de 1.800 persones atacaes namás por ser, por existir", solliñó’l ministru enantes de señalar qu’anque la cifra supón un 10 por cientu menos de víctimes qu’en 2023, "sigue siendo un datu intolerable pa una sociedá moderna y avanzada".