El 65% de los tratamientos de medicina estética fáenlos profesionales ensin la cualificación adayadiza

Cuasi la metá de la población, un 47% según los datos de la Sociedá de Medicina Estética, accede a estos tratamientos

Nuna clínica revisen con un ecógrafu a cada nuevu paciente. Ye esencial pa entamar un tratamientu, aseguren. Y más teniendo en cuenta que 2 de cada 3 fáenlos profesionales non cualificaos, como esteticistes aseguren Victoria Escapa, médica estética n’Uviéu; y Sergio Fernández, vicepresidente de la Sociedá Española de Medicina Estética.

Anque non siempres se fai por desconocimientu detalla Ana Hospido, médica estética en Xixón.

Productos de mala calidá, non afayadizos o mal puestos. Y el peligru qu’implica cualquier intervención médica.

La Policía intervieno nos últimos meses productos non autorizaos y desmanteló centros illegales en provincies como Madrid. Los profesionales asturianos piden más midíes.

Cuasi la metá de la población, un 47% según los datos de la Sociedá de Medicina Estética, accede a estos tratamientos

¿Quién fai tratamientos de medicina estética anguaño? El perfil amplióse n’edá y en xéneru.

Inclusive mayores de 80 años acceden cada vegada más a estos tratamientos. En total, cuasi la metá de la población: un 47% según los datos de la Sociedá de Medicina Estética. El boom foi cola pandemia, xubió ente un 40 y un 50%. Agora la medría ye más tranquila.

Y nes redes y na cai nótase un cambéu de tendencia. Un cambéu nel que los médicos estéticos tienen muncho que ver. Sobre manera colos pacientes más mozos.