La llei obligará a que los nuevos dispositivos dixitales lleven pin parental por defectu

El Gobiernu obliga a regular l'usu supervisáu d'ordenadores y tabletes nos colexos

La nueva lei de protección de menores n’entornos dixitales qu’aprobó’l Gobiernu inxertará la obligación de que los nuevos dispositivos dixitales que se fabriquen inxerten un control parental por defectu, que sedrá activáu nel momentu de la configuración del aparatu col envís de llendar l’accesu de menores a conteníos, servicios o aplicaciones non afayadices.

Esti control parental que vendrá de fábrica nos nuevos dispositivos sedrá de baldre y fácil de manexar y inxertará un etiquetáu qu’esplique los peligros y riesgos potenciales d’un usu non afayadizu d’estos productos y los sos efectos pal desendolcu físicu, mental y moral de les persones menores d’edá.

El ministru de la Presidencia y de Xusticia, Félix Bolaños, insistió en que de nun cumplir con esta obligación habrá "sanciones" y recalcó que "s’acabaron los sistemes de control parental que nun controlen nada, tienen que ser efectivos".