La llei pa protexer a los menores en redolaes dixitales empieza la so tramitación

La norma va prohibir l'accesu a redes sociales hasta los 16 años

Los espertos califiquen como mui necesaria la nueva llei pa protexer a los menores nes redolaes dixitales, qu'aprobó esta selmana'l Conseyu de Ministros y qu'empieza agora la so tramitación.

Recuerden que más del 90% de los mozos españoles d'ente 13 y 16 años tienen un perfil nuna rede social, y la gran mayoría en delles.

La llei apunta a que los controles parentales nun son abondos y tampoco los sistemes pa verificar dixitalmente la edá. Por casu, en páxines d'apuestes solo salta una entruga de si yes mayor de 18 años, que contesta l'usuariu con un simple clic

La nueva norma va prohibir hasta los 16 años l'accesu a redes. Pero les midíes nun van ser útiles si nun hai sofitu de les families.

Hasta agora, Australia ye l'únicu país que prohibió per llei les redes sociales a los menores de 16 años.