Les ayudes de la PAC de 2024 superaron los 4.882 millones d'euros pa cuasi 600.000 llabradores

Planas asegura que'l repartu foi más xustu y equitativu

El ministru d'Agricultura, Pesca y Alimentación, Luis Planas, afirmó esti vienres que'l repartu d'ayudes de la Política Agraria Común (PAC) n'España en 2024 foi más xustu y equitativu, como demuestra la redistribución de 6,5 millones d'euros que dexaron de percibir 58 grandes beneficiarios.

A la hora de faer balance del segundu añu de l'actual PAC, destacó los efectos de la puesta en marcha de preseos como'l pagu redistributivu, que se financia gracies al 'capping' o fixación d'una llende d'hasta un máximu de 200.000 euros de l'ayuda básica a la renta.

La PAC "dexónos una distribución d'ayudes más xusta y más focalizada nes pequeñes y medianes esplotaciones", comentó, enantes d'esplicar que, cola llende del tope máximu de l'ayuda básica a la renta col capping y la degresividá progresiva, púdose "recaldar" esos 6,5 millones d'euros.