Béatrice pon n'alerta a 12 comunidaes por vientu, lluvia y foles

Fuertes vientos y calor n'Asturies

La llegada de la borrasca Béatrice, con vientos d’hasta 110 kilómetros per hora, punxo n’alerta a 12 comunidaes del norte y metá occidental -ente elles Asturies-, onde amás habrá lluvia d’hasta 40 llitros per metru cuadráu en 12 hores y foles d’ocho metros, sobre manera en Galicia.

Amás de Galicia, en nivel naranxa por lluvia, vientu y fenómenos costeros, tamién tán con avisu con esi mesmu nivel de riesgu, por dalguna o delles d’eses circunstancies, Asturies, Cantabria, Castiella y Lleón y La Rioja, según informa esti domingu na so web l’Axencia Estatal de Meteoroloxía (Aemet).

En nivel mariellu, con riesgu daqué inferior al anterior, tán Aragón, Castiella-La Mancha, Cataluña, Estremadura, Madrid, Navarra y País Vascu.