El xulgáu de lo penal númberu dos de Santiago condergó a dos años y mediu de cárcel a Francisco José Garzón Amo, maquinista del Alvia qu'escarriló en Santiago'l 24 de xunetu de 2013, y al entós director de Seguridá na Circulación del Adif, Andrés Cortabitarte, según el fallu facilitáu esti vienres pol Tribunal Cimeru de Xusticia de Galicia.
Según el fallu apurríu esti vienres pol Tribunal Cimeru de Xusticia de Galicia, la pena ye pola comisión de 79 delitos d'homicidiu y 143 de mancadures por imprudencia grave.
Amás, inhabilitóse-yos a dambos pal exerciciu de los sos oficios per cuatro años y mediu y impúnxose-yos el pagu d'una indemnización, con responsabilidá civil directa de les entidaes QBE y Allianz Global, aseguradores, respectivamente, de Renfe Operadora y Adif, de más de 25 millones d'euros a les víctimes d'esi accidente ferroviariu.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL