El Congresu aprueba con amplia mayoría los terceros presupuestos del Gobiernu

P'Asturies contémplense 421 millones d'euros, un 7% más que l'añu pasáu

El proyectu de Presupuestos Xenerales del Estáu pa 2023 superó con comodidá’l so pasu pol Congresu, onde s’aprobó por una amplia mayoría de 187 votos dempués d’inxertar más de 300 enmiendes, y agora entama’l so camín nel Senáu, onde espera rematar la so tramitación.

El presidente del Gobiernu, Pedro Sánchez, amosó la so satisfacción cola aprobación de les terceres cuentes del so Executivu y agradeció’l sofitu a tolos grupos p’algamar "la victoria del entendimientu ente dispares".

Enantes, la ministra de Facienda, María Jesús Montero, que recibió una llarga ovación nel Plenu del Congresu, valoró que "esti Gobiernu algamó una estabilidá que munchos gobiernos anteriores, con mayores mayoríes, nun la algamaron".