El PP gana les elecciones europees, dos escaños percima del PSOE

Vox medra, Sumar supera a Podemos y Ciudadanos queda fuera del Parlamentu Européu

El PP ganó les elecciones europees col 34,18 por cientu de los votos y 22 escaños, dos más que'l PSOE, que llogra'l 30,19 por cientu de los sufraxos, acordies colos datos del escrutiniu al 99,73 por cientu.

En tercer llugar asítiase Vox, col 9,62 por cientu y seis escaños, mientres que Sumar queda con tres y el 4,65 por cientu, un eurodiputáu más que Podemos, que llogra'l 3,27 por cientu.

Como sesta fuerza política nacional asítiase l'Agrupación d'Electores “Se acabó la Fiesta", del axitador Luis 'Alvise' Pérez, que prácticamente iguala'l porcentaxe de votu de Sumar (4,58 por cientu) y llogra tres representantes na Eurocámara.

Ciudadanos queda fuera del Parlamentu Européu: pierde los sos ocho diputaos al consiguir namás el 0,69 por cientu de los votos.

Ahora Repúblicas (ERC, Bildu, BNG y Ara Més) llogra tres representantes, mientres Junts dexa dos y queda solo con unu, como CEUS, onde ta'l PNV.