El PSOE tamién foi'l partíu más votáu polos asturianos residentes nel esterior

Los socialistes ganaron nes europees col 38,5% de los votos

El PSOE tamién foi'l partíu más votáu ente los electores incluyíos nel censu electoral de los residentes ausentes (CERA) tanto nes autonómiques como nes europees, onde la participación llendóse al 2,45 y el 2,25%, respectivamente, polo que los resultaos del domingu nun varien.

D'un total de 2.895 votos nes autonómiques, sobro un total de 117.880 electores censaos, el PSOE recibió 953 sufraxos; Podemos, 449; Ciudadanos, 407; PP, 388; Vox, 266; IX, 141, y Foro, 77.

Nes europees, con namás 2.623 votos frente a un censu de 116.738 persones, el PSOE recibió 882; Podemos-IX, 448; PP, 365; Ciudadanos, 335; Vox, 272, y Foro, 18.

El PSOE ganó les elecciones autonómiques al llograr 20 escaños, seis más que nos comicios de 2015, siguíu de PP, que baxó de 11 a 10.

Ciudadanos quedó como tercer fuerza, al xubir de tres a cinco diputaos; Podemos baxó de nueve a cuatro; IX, de cinco a dos; Foro, de tres a dos, y Vox entró na Xunta con otros dos.

Nes europees, el PSOE tamién ganó col 38,5% de los votos, siguíu del PP, col 19,04%; Podemos-IX, col 14,7%; Ciudadanos, col 13,5%; Vox, col 7,4%, y Foro, col 1,16%.