El comité d'espertos tendrá seis meses pa crear una estratexa sobre menores y pornografía

Tará formáu por 50 persones y cuntará cola participación de los menores

El Gobiernu aprobó la creación del comité de persones espertes que tendrá que facer nun plazu de seis meses la estratexa d’entornu dixital seguru pa la infancia y l’adolescencia, que quier protexer a los menores de los efectos nocivos del accesu tempranu a la pornografía.

El Comité, creáu a propuesta del Ministeriu de Mocedá y Infancia, tará formáu por 50 persones, entamará a trabayar en 15 díes y cuntará cola participación de los menores y de persones espertes en tecnoloxía, pediatría, psicoloxía, igualdá de xéneru, ciberseguridá, consumu o derechu.

La titular de Mocedá y Infancia, Sira Rego, dio anuncia, na rueda de prensa darréu del Conseyu de Ministros, de que’l citáu comité tien un doble oxetivu: diseñar una estratexa de protección a la infancia con midíes pal curtiu, el mediu y el llargu plazu; y impulsar un "alcuerdu interxeneracional de país" qu’implique a los estamentos políticos, económicos y sociales.