España retira "definitivamente" a la so embaxadora en Buenos Aires pola crisis con Milei

José Manuel Albares defende que s'acoyó a Milei cola hospitalidá afayadiza y que la so rempuesta foi un ataque frontal

El ministru d'Asuntos Esteriores, Xunión Europea y Cooperación, José Manuel Albares, dio anuncia esti martes de qu'España retira "definitivamente" a la so embaxadora en Buenos Aires dempués de la crisis diplomática abierta col presidente d'esti país, Javier Milei.

En rueda de prensa dempués del Conseyu de Ministros, Albares señaló que yá que la situación nun camudó, ensin qu'hubiere una disculpa de Milei dempués de les sos manifestaciones escontra'l presidente Pedro Sánchez y la so muyer, Begoña Gómez, L'Arxentina “siguirá ensin embaxadora".

"Pa quien lo quiera entender, la collaboración siempres ye más poderosa que la confrontación", recalcó'l ministru d'Asuntos Esteriores, que solliñó que "les instituciones españoles nun faen política, y muncho menos política esterior, al traviés de tuits nin participen en nengún 'show'".