Iberdrola pide a Enerxía permisu pa pesllar les centrales de Lada y Velilla

La midida nun afectará al empléu de los trabayadores que sedrán recolocaos

Iberdrola pidió al Ministeriu d'Enerxía autorización pa pesllar les sos centrales térmiques de Lada, n'Asturies, y Velilla, en Palencia, dientro del procesu de pieslle de toles sos centrales del carbón nel mundu.

La midida nun afectará al empléu de los trabayadores que sedrán recolocaos.

Según informó güei la compañía llétrica nun comunicáu, la totalidá de la plantiya de les plantes afectaes, 90 trabayadores en Lada y 80 en Velilla, sedrá recolocada nos trabayos de desmantelamientu de les plantes, que durará cuatro años dende la fecha d'aprobación de pieslle, y n'otres instalaciones de la empresa.