La Sociedá Europea d'Oncoloxía Quirúrxica pide un rexistru nacional de tumor

Asturies ta percima de la media nacional de casos diagnosticaos al añu

La Sociedá Europea d'Oncoloxía Quirúrxica pide un rexistru nacional de tumores y pon el focu nes desigualdaes qu'hai ente Comunidaes Autónomes pa detectar el cáncer. Si falamos de casos diagnosticaos al añu, Asturies sigue percima de la media nacional.

Ente los peñeraos que meyores resultaos tán rexistrando: los de mama, cérvix y colon. Ente los qu'habría que reforzar: el de pulmón y el de próstata asegura Jesús García-Foncillas, presidente de la Fundación pa la Escelencia y la Calidá de la Oncoloxía.

Mención especial a la importancia de llevar un estilu de vida saludable. Oxetivu que choca de frente con datos como esti: n'España, el 33% de la población d'ente 15 y 65 años declárase fumadora. N'Europa, el porcentaxe amenorga al 19. El nuesu pais supera tamién la media en consumu d'alcohol.

Los especialistes sollerten amás sobre otru de los factores de riesgu, la obesidá, y más concretamente sobre la qu'afecta a la población infantil.

Recuerden que, cuando se trata de prevenir, detectar y tratar el cáncer, el trabayu de los sanitarios ye multidisciplinar. La Comisión Europea busca ampliar el focu y la población diana que tendría de ser oxetu de peñeráu, sobre manera, nel casu de los tumores más prevalentes.