Lloteríes paga más de 236 millones d'euros en premios de Navidá 24 hores dempués del sortéu

Los asturianos yá busquen décimos pal sortéu del Neñu

Lloteríes y Apuestes del Estáu pagó yá más de 236 millones d’euros de premios del sortéu de Navidá namás nun día, hasta’l mediudía del sábadu.

La mayor parte d’esi dineru, daqué más de 213 millones, abonóse en premios menores, los inferiores a 2.000 euros, que se paguen nos puntos de venta. El restu foi pa los premios de más de 2.000 euros, que tienen que cobrase nel bancu.

Los asturianos yá busquen décimos pal sortéu del Neñu

Los veceros de l’alministración númberu 6 de llotería de Xixón saben que les fiestes navidiegues ufierten una nueva oportunidá a entamos d’añu pa vivir una lluvia de millones col sortéu estraordinariu del Neñu, como Manuel Ángel Sánchez.

El sortéu dexará 700 millones d’euros pa los que yá hai terminaciones favorites, como cunta Giovanna Paciolla, de l’alministración númberu 6 de Xixón.

El primer premiu del Neñu son 200.000 euros. Ye la metá al respective del gordu de la llotería de Navidá que son 400.000 euros el décimu.

Estos díes son de munchu trabayu pa los lloteros como esplica Iñaki Vicente, de l’alministración númberu 33 de Xixón.