Los afectaos de Covid persistente conmemoren el so primer Día Internacional

Dos millones d'españoles reclamen visibilidá y investigación pa esti "viacrucis"

Los afectaos por Covid persistente, que se piensa que son ente’l 10 y el 20% de los casos, unos dos millones d’españoles, celebren güei’l so primer Día Internacional de Reconocencia y Concienciación del Covid Persistente pa reclamar más visibilidá y investigación de lo que pa ellos ye "un viacrucis".

Los pacientes teñirán esti 15 de marzu de tres colores, los que llevará’l llazu que representa’l so día: el gris, que representa la pérdida y el duelu; el verde azuláu, d’esperanza y sofitu, y el negru, que significa la soledá y aisllamientu que sienten.

Como esplicó Isabelle Delgado, portavoz de l’Asociación Long Covid Euskal Herria, los pacientes y cuidadores de tol mundu busquen con esta campaña medrar la visibilidá del covid persistente, prevenir nueves infecciones, fortalecer a los afectaos, compartir sofitu y recursos, educar sobre los síntomes y destacar la necesidá de financiar investigaciones relevantes.​