Sánchez da anuncia d'un alcuerdu colos axentes sociales en materia de pensiones

Meyoraráse la compatibilidá de la pensión col trabayu pa "garantizar el tránsitu pa una xubilación flexible"

El presidente del Gobiernu, Pedro Sánchez, dio anuncia esti miércoles de que l’Executivu algamó un alcuerdu colos axentes sociales en materia de pensiones qu’inxerta una meyora de los incentivos al retrasu na edá de xubilación.

Nuna comparecencia énte los medios de comunicación pa facer balance del cursu políticu enantes del parón d’agostu, Sánchez calificó de "mui positivu" l’alcuerdu, que fai "más xustu" el sistema pa millones de trabayadores y pensionistes.

Con esti pactu, aprovecharánse meyor los recursos de les mutues y regularáse l’accesu a la xubilación de les profesiones "sobre manera dures, peligroses y espuestes a riesgos", esplicó’l presidente.