Sánchez da anuncia de qu'España unviará armamentu a Ucraína

El Congresu aplaude en pie al númberu dos de la Embaxada d'Ucraína

El presidente del Gobiernu, Pedro Sánchez, dio anuncia esti miércoles de qu’España unviará a la fin armamentu a Ucraína, amás de la so contribución al unviu d’armes al cargu del fondu común de la Xunión Europea.

Sánchez fizo esti anunciu na so comparecencia énte’l plenu del Congresu pa informar de la posición d’España énte’l conflictu n’Ucraína.

El xefe del Executivu solliñó que dende’l primer momentu entendió que la meyor forma d’ayudar a Ucraína yera con acciones coordinaes pola Xunión Europea tanto na ayuda humanitaria como unviando material ofensivo y defensivo al país pa facer frente al ataque de Rusia.

El presidente del Gobiernu, Pedro Sánchez, dio anuncia d’un plan nacional de rempuesta a la guerra n’Ucraína con una batería de midíes económiques y sociales pa protexer a les families vulnerables frente a les consecuencies que tendrá’l conflictu y ente elles ta la prórroga de los dos tipos de bonu eléctricu.

El Congresu de los Diputaos homenaxeó con un llargu aplausu al númberu dos de la Embaxada d’Ucraína n’España, Dmytro Matiuschenko, que foi al plenu como invitáu pa siguir la comparecencia.