Toni Roldán dexa Ciudadanos dempués del acercamientu del partíu a la derecha

Diz que’l cambéu d’estratexa de Cs tendrá costos mui altos

El portavoz d’Economía de Ciudadanos nel Congresu, Toni Roldán, aseguró qu’abandona’l partíu porque nun comparte la nueva estratexa política entamada pol presidente de la formación, Albert Rivera, que tendrá "costos abondo altos", en rellación a los sofitos indirectos a Vox.

En rueda de prensa nel Congresu, Roldán dio anuncia de qu’abandona tolos sos cargos nel partíu y dexará l’escañu esta selmana porque, dempués de munchos intentos de ser lleal a Ciudadanos "nun tuvo éxitu" y "unu nun puede tratar de ser lo que nun ye munchu tiempu".

"Nun marcho porque yo camudare sinón porque Cs camudó, esti nun ye’l contratu que yo roblé. La política nun ye un supermercáu, nun se vienden productos que se puean alteriar de la nueche a la mañana viéndense idees, viéndese un proyectu pa España y sigo creyendo nel mesmu proyectu pa España nel que creyía va cuatro años", remató.