Albares denuncia una campaña d'acosu pa destruyir a Pedro Sánchez

El subdireutor de la Fundación La Caixa declara que nun s'axuntó con Begoña Gómez en Moncloa

El subdireutor xeneral de la Fundación La Caixa, Marc Simón, dixo al xuez qu'investiga a Begoña Gómez, esposa del presidente del Gobiernu, Pedro Sánchez, qu’ella llamólu pa espone-y la cátedra pero que nunca s'axuntaron en La Moncloa nin tuvo contactu dalgunu col líder del Executivu.

Simón compareció como testigu énte'l titular del Xulgáu d'Instrucción númberu 41 de Madrid, Juan Carlos Peinado, qu'investiga a Gómez polos presuntos delitos de tráficu d'influencies y corrupción nos negocios, y qu'esti llunes volvió a entamar la causa con cuatro testificales anque agostu ye inhábil pa l'Alministración de Xusticia.

D'alcuerdu a un comunicáu unviáu pola Fundación, Marc Simón señaló que nunca s'axuntó nel recintu de La Moncloa nin asistió a nengún alcuentru sobro la cátedra estraordinaria en Tresformamientu Social Competitivu creada pola Universidá Complutense de Madrid (UCM), que codirixía Gómez, n'instalaciones distintes a les de la universidá o la Fundación La Caixa.