El Congresu aprueba reconocer a Edmundo González como presidente de Venezuela gracies al PNV

Feijóo tacha de "equivocación" el refugu del PSOE a reconocer a Edmundo González como ganador de les elecciones venezolanes

El Congresu encamienta al Gobiernu a reconocer a Edmundo González como presidente lexítimu de Venezuela gracies al sofitu clave del Partido Nacionalista Vasco, que se desmarcó del bloque d'investidura y votó xunto a PP y Vox.

Con 177 votos a favor, 164 nos y una abstención (la de José Luis Ábalos), el PP llogró sacar alantre una proposición non de llei qu'encamienta al Gobiernu a reconocer a González como ganador de les elecciones de Venezuela del 28 de xunetu y esixir al réxime de Nicolás Maduro'l "cese inmediatu de la represión".

La iniciativa tamién pide, entre otres coses, promover la "reinstauración" de sanciones a los dirixentes del réxime venezolanu o sofitar la comparecencia del Centru Carter pa que detalle les sos conclusiones sobre los comicios.