UXT y CCOO ven agotada la negociación de la xornada llaboral cola CEOE

Los sindicatos pidirán al Gobiernu qu'entame a redactar un proyectu de llei p'amenorgar la xornada llaboral

Los secretarios xenerales d’UXT y CCOO, Pepe Álvarez y Unai Sordo, creen que les negociaciones p’amenorgar la xornada llaboral tán agotaes cola patronal CEOE y pidieron al Gobiernu dar yá forma llegal a la midida.

En declaraciones a los medios esti martes na estación madrilana d’Atocha onde fueron pa repartir información sobre les movilizaciones d’esti xueves, Álvarez solliñó que "nun hai nengún avance" cola patronal, cola que vuelven a aconceyar esta tarde convocaos pol Ministeriu de Trabayu.

"Les negociaciones cola CEOE (...) nestos momentos tán agotaes", dixo’l líder d’UXT, que pidió a la ciudadanía reclamar esta mengua a 37,5 hores selmanales énte los grupos políticos.