Castiella-La Mancha pidirá la declaración de zona catastrófica dempués del pasu de la dana

Atopen un cadabre en Letur (Albacete), la segunda víctima de la dana en Castiella-La Mancha

Castiella-La Mancha pidirá la declaración de zona catastrófica dempués del pasu de la dana, que na rexón dexó hasta agora una persona muerta, seis desapaecíos y importantes estrozos sobre manera en Letur (Albacete) y Mira (Cuenca), anque hai una docena de municipios afectaos.

Asina lo anunció la conseyera portavoz del Gobiernu de Castiella-La Mancha, Esther Padilla, nuna rueda de prensa esti miércoles na qu’amosó la so confianza en que’l Gobiernu d’España apruebe esta declaración, al empar que confirmó que "agora la prioridá son les persones".

Nesti sen, sigue la búsqueda de les persones desapaecíes en Letur, onde hai 154 efectivos d’emerxencies trabayando sobre’l tarrén, mientres qu’en Mira, onde se rexistró hasta agora la única víctima mortal, hai 134 efectivos.