La Conferencia de Presidentes aconceyará'l 13 d'avientu en Santander

A debate la vivienda, la financiación autonómica, la inmigración y la falta de personal nel ámbitu sanitariu

La Conferencia de Presidentes aconceyará’l 13 d’avientu viniente en Santander, informaron fontes del Gobiernu, pa tratar el problema de la vivienda, la financiación autonómica, la inmigración y la falta de personal nel ámbitu sanitariu.

El Comité preparatoriu aconceyáu’l 28 d’ochobre pasáu aceptó sumar al orde del día esos tres últimos asuntos, reclamaos polos más de los executivos autonómicos, dempués de que’l presidente del Gobiernu, Pedro Sánchez, diere anuncia de que la Conferencia abordaría como principal aspectu la vivienda.

En cuantes a la sede, les fontes confirmaron a EFE que la cume de presidentes va celebrase na ciudá de Santander, como informó esti llunes la SER, y señalaron que ta buscándose’l meyor espaciu na capital cántabra.