Sara Aagesen va sustituyir a Ribera como vicepresidenta y ministra de Transición Ecolóxica

Aagesen yera secretaria d'Estáu d'Enerxía dende 2020

Sara Aagesen, hasta agora secretaria d'Estáu d'Enerxía, va sustituyir a Teresa Ribera como vicepresidenta tercera y ministra pa la Transición Ecolóxica y el Retu Demográficu, según confirmaron a EFE fuentes del Executivu.

Esti anunciu produzse dempués de desbloquiase'l nomamientu de Ribera como vicepresidenta executiva de la nueva Comisión Europea d’Ursula von der Leyen (Partíu Popular Européu), tando prevista la so ratificación la selmana que vien una vegada superáu'l vetu promovíu pol PP d'Alberto Núñez Feijóo.

Con esti nomamientu, Pedro Sánchez completa los cambeos nel so Executivu, a los qu'apocayá s'incorporó Óscar López, quien fuera director del Gabinete de la Presidencia del Gobiernu, como ministru pal Tresformamientu Dixital y de la Función Pública cubriendo la vacante dexada por José Luis Escrivá tres el so nomamientu como nuevu gobernador del Bancu d'España.