Un total de 49 persones muerren n'accidentes de tráficu nes carreteres españoles nes fiestes

L'accidente más aparatosu n'Asturies foi'l rexistráu ayeri nel bypass d'El Güerna, onde dos persones resultaron mancaes graves y tres leves

Los accidentes de tráficu causaron polo menos 49 muertos nes carreteres españoles per navidá.

L’últimu foi na nueche d’ayeri, día de Reis, na provincia de Pontevedra. Un motorista morrió al chocar escontra un automóvil nel pueblu de Vilagarcía de Arousa. Tamién ayeri, en Murcia, cuatro persones resultaron mancaes abondo nun accidente nel que se vio implicada una furgoneta con nueve persones dientro.

El dispositivu especial de la DXT entamó’l 20 d’avientu y acabó la medianeuche pasada. N’Asturies nun hubo nengún accidente mortal. El más aparatosu foi’l rexistráu ayeri nel bypass d’El Güerna, onde dos persones resultaron mancaes graves y tres leves.