La princesa Leonor embárcase nel buque Juan Sebastián Elcano

Completará la so formación naval xunto a otros 75 guardamarines

La princesa Leonor embárcase en Cádiz nel Juan Sebastián Elcano, el buque escuela de l’Armada onde completará la so formación naval xunto a otros 75 guardamarines, y nel que viaxará pel continente americanu.

Enantes de salir el sábadu nel 97 cruceru d’instrucción, la princesa y los sos compañeros de la 427 promoción del Cuerpu Xeneral y 157 d’Infantería de Marina xubirán a bordu del bergantín-goleta sobre les cuatro de la tarde de güei.

L’oxetivu ye tener un periodu d’ambientación al veleru nel que convivirán los seis meses que durará’l cruceru, que los llevará hasta Brasil, Uruguái, Chile, Perú, Panamá, Colombia, República Dominicana y los Estaos Xuníos.