Feijóo presentará una moción de censura pa convocar elecciones si Junts la sofita

El líder del PP denuncia como "dictatorial" y propia de Franco la llei del PSOE sobre Xusticia

El líder del PP, Alberto Núñez Feijóo, afirmó que presentará una moción de censura pa convocar elecciones si cunta col sofitu de Junts y dempués de que’l líder de Vox, Santiago Abascal, sofitare públicamente esta opción.

"Si los señores de Junts quieren elecciones y sofiten una moción de censura, tengan la seguridá de que presentaré una moción de censura si tengo los sofitos abondos pa sacala alantre", afirmó Feijóo, que enantes dixo qu’esti escenariu ye’l que necesita España pero que "falten votos".

Nuna entrevista esti llunes n’Onda Cero, argumentó que "cabe pidir unes elecciones" énte los "tics antidemocráticos" del Gobiernu y la proposición del PSOE pa impedir que los partíos exerzan l’acusación popular, que considera inconstitucional y "perfectamente homologable a un réxime dictatorial".