Los Reis inauguren la 45 edición de Fitur qu'axunta en Madrid a representantes de 156 países

Ta prevista l'asistencia d'unes 250.000 persones

Los reis inauguraron esti miércoles la 45 edición de la Feria Internacional de Turismu (Fitur) nel recintu d’Ifema de Madrid con un percorríu nel que quixeron tener un xestu colos pabellones de les comunidaes más afectaes pola dana, Valencia y Castiella-La Mancha.

Una edición de Fitur a la qu’asistió a la inauguración per primer vegada un president de la Generalitat de Cataluña, Salvador Illa, que se xunió a los otros munchos presidentes autonómicos que recibieron a los reis.

Felipe VI y doña Letizia, como ye tradicional, participaron na sesión d’apertura d’esta nueva edición de Fitur, considerada una de les feries turístiques más importantes del mundu, na que participen 156 países (11 más que va un añu) y 9.500 empreses (mediu millar más), con Brasil como sociu destacáu esti añu.