Fuente: RTPA, 28 de xineru. 2025 21:49

El Tribunal Supremu caltién a Álvaro García Ortiz como fiscal xeneral del Estáu

El Tribunal Supremo mantiene a Álvaro García Ortiz como fiscal general del Estado

La decisión produzse la viéspora de que-y tome declaración el xuez Ángel Hurtado

El Tribunal Supremu acordó, por unanimidá, caltener a Álvaro García Ortiz al frente de la Fiscalía Xeneral del Estáu, al desestimar el recursu d’una asociación de fiscales, l’APIF, que pidía anular el so nomamientu.

La Sección Cuarta de la Sala de lo Contencioso Alministrativo avanzó’l fallu de la sentencia que refuga’l recursu de l’Asociación Profesional y Independiente de Fiscales (APIF).

El conteníu de la resolución conoceráse darréu, informen fontes xurídiques, qu’amiesta que los maxistraos llevaben selmanes trabayando nesta sentencia por mor de la trescendencia del asuntu.

Esta decisión produzse la viéspora de que-y tome declaración el xuez del Tribunal Supremu Ángel Hurtado como imputáu pola presunta revelación de secretos na causa por fraude fiscal escontra Alberto González Amador, noviu d’Isabel Díaz Ayuso.