El Tribunal Cimeru de Cataluña absuelve a Alves al revocar la so condena por violación

La sentencia considera que les pruebes del xuiciu nun dexen "superar los estándares qu'esixe la presunción d'inocencia"

El Tribunal Cimeru de Xusticia de Cataluña (TCXC) absolvió al futbolista Dani Alves, al revocar la condena de cuatro años y mediu de cárcel que-y impunxo l'Audiencia de Barcelona pola violación d'una moza na discoteca Sutton de la capital catalana, n'avientu de 2022.

Na so sentencia, la sala civil y penal del TCXC estima por unanimidá'l recursu presentáu pola defensa del ex-xugador del Barça y absolvelu d'agresión sexual, al considerar que les pruebes practicaes nel xuiciu nun dexen "superar los estándares qu'esixe la presunción d'inocencia".

Alves tuvo en prisión preventiva catorce meses y salió en llibertá provisional en marzu del añu pasáu, tres depositar una fianza d'un millón d'euros, una vegada l'Audiencia de Barcelona condergólu por un delitu d'agresión sexual.