Tarifa plana de 50 euros pa los viaxes del Imserso

El programa va dexar la opción de viaxar con mascotes

El Conseyu de Ministros aprobó delles novedaes pal Imserso. Primero, una tarifa plana de 50 euros pa viaxar a cualesquier de los sos destinos. Va ufiertala a los pensionistes coles rentes más baxes. Anguaño van ufiertar cuasi 7.500 places con estes condiciones. Amás, per primer vegada nos sos 40 años d'hestoria, va dexar la opción de viaxar con mascotes.

Quien tenga una prestación igual o inferior a la pensión non contributiva, unos 564 euros al mes, va poder esfrutar de los viaxes del Imserso por un costu de 50 euros.

El presidente de la patronal d'Operadores Turísticos y Axencies de Viaxes d'Asturies entiende que l'anunciu ye positivu.

Van acutase 7.447 places con estes condiciones yá p’anguaño. Sicasí, recuerda que la llicitación inda nun ye pública polo que desconocen cómo va ser el procedimientu. Tamién espierta interrogantes l'otru anunciu, per primer vegada'l Imserso acepta animales de compañía. Va ser imprescindible que los hoteles acepten animales.

El Conseyu de Ministros aprobó estes midíes coincidiendo col 40 aniversariu del programa Imserso.