Los médicos protesten pola reforma del so estatutu: ¡Non too val pola nuesa vocación!

Médicos de toa España concéntrense en Madrid

Los médicos salieron a la cai pa esixir al Ministeriu de Sanidá la retirada del borrador del estatutu marcu, que regula les condiciones llaborales de los trabayadores del Sistema Nacional de Salú (SNS), porque aseguren qu'empeora les del so colectivu y alvierten de que "non too val pola vocación".

"Pa que la vocación esista, el médicu tien que tar sanu, y les condiciones llaborales penalícennos la nuesa salú, la conciliación llaboral y familiar", según señaló Miguel Lázaro, presidente la Confederación Española de Sindicatos Médicos (CESM), convocante de la movilización col Sindicato Médicu Andaluz (SMA), na que según les sos estimaciones participaron más de 5.000 persones, ente elles una representación del Sindicatu Médicu Profesional d'Asturies (SIMPA) y del Colexu de Médicos d'Asturies.

Son profesionales y representantes del Foru del Oficiu Médicu, sindicatos, Colexos de Médicos, sociedaes científiques y organizaciones d'estudiantes de Medicina y residentes que se manifestaron porque creen que la reforma del estatutu que regula les condiciones llaborales del personal del SNS, sanitario y non sanitario, "solo va sirvir pa contribuyir a espulsar al colectivu médicu de la sanidá pública".