88.008, el Gordu más tardíu de la hestoria

El Gordu reparte dos millones d'euros en Xixón, Uviéu y Llanes

El númberu 88.008 foi agraciáu col Gordu nel Sortéu Estraordinariu de la Llotería de Navidá, dotáu con cuatro millones d'euros por serie (400.000 euros por décimu), y dexó un total de dos millones d'euros repartíos en Xixón, Uviéu y Llanes.

El númberu salió a les 13:16, colo que se convirtió nel Gordu más serondu desque hai rexistros del sortéu, en 1993. Hasta agora'l récord teníalu'l que salió en 2014, exactamente a la una de la tarde.

El Gordu del sortéu estraordinariu de 2023 tuvo bien repartíu per toa España. Llegó mayoritariamente a Madrid (50 series conseñaes), Jaén (20) y Écija (Sevilla), onde se destinaron 15 series.