Absueltos los 34 acusaos nel xuiciu pola salida a Bolsa de Bankia

Na so sentencia, la Sala destaca que la salida a Bolsa cuntó col preste de tolos supervisores

La Sala de lo Penal de l’Audiencia Nacional acordó absolver a los 34 acusaos nel xuiciu pola salida a Bolsa de Bankia, ente ellos l’ex-presidente de la entidá y director xeneral del FMI, Rodrigo Rato, por delitos d’estafa a los inversores y falsedá contable.

Na so sentencia conocida esti martes, la Sala destaca que la salida a Bolsa cuntó col preste de tolos supervisores -Bancu d’España, Comisión Nacional del Mercáu de Valores (CNMV), FROB y Autoridá Bancaria Europea (EBA)-.

Sicasí, considera que’l folletu tenía "abonda y bona" información financiera y non financiera, y destaca que nel xuiciu namás s’espunxeron actitúes xenériques de los acusaos y non actos concretos.