Álvaro Nadal ve necesario caltener les centrales de carbón

Señala que la decisión d'Iberdrola tien que ser compatible cola política enerxética

El ministru d'Enerxía, Turismu y Axenda Dixital, Álvaro Nadal, señaló güei que la decisión d'Iberdrola de cerrar les centrales térmiques de Lada (Asturies) y Velilla (Palencia) tien que ser compatible cola política enerxética y aprofió que ye necesariocaltener les plantes de carbón.

"El Gobiernu cree que necesitamos caltener el carbón dientro del nuesu mix de xeneración (abanicu de tecnoloxíes pa xenerar eletricidá)", esplicó Nadal tres inaugurar la XLIV Asamblea de l'Asociación Iberoamericana de Cámares de Comerciu (AICO).

"Iberdrola tomó una decisión empresarial pero nós dicimos que tien que ser compatible cola política enerxética, que ye la que define'l mix", amestó.

Nadal recordó que'l Gobiernu caltién conactos con otres fuerces polítiques pa desenvolver dalguna norma que dexe que'l Parlamentu y el Gobiernu tengan la última palabra sobro'l zarru de centrales eléctriques.

El pasáu vienres, Iberdrola anunció que pidió al Ministeriu d'Enerxía autorización pa cerrar les plantes de Lada y Velilla dientro del procesu de clausura de toles sos centrales de carbón nel mundu, anque conseñó que la midida nun va afectar al empléu de los trabayadores.

Estes centrales sumen una potencia de 874 megavatios.