Asturies, Madrid y Canaries, les comunidaes con una mayor tasa d'abandonu nos graos básicos y medios de FP

Les causes que lleven al abandonu son múltiples dende factores individuales, familiares hasta'l mercáu llaboral

Asturies y Madrid encabecen la llista de Comunidaes con una mayor tasa d'abandonu nel Grau Básicu de FP. Cuasi la metá de los estudiantes nun acaben la so formación cuando'l restu de territorios allúguense nel 30%.

El Principáu ta tres Canaries y Madrid no que cinca al Grau mediu con una cifra que ronda'l 30% d'abandonos. Solo les ciudaes autónomes de Ceuta y Melilla empeoren estos datos señala Francesca Salvá, directora d'investigación y anovación de FP de la Universitat de les Illes Balears.

A nivel nacional, cuatro de cada diez estudiantes abandonen el grau básicu, 3 el mediu y cuasi 2 el superior. Amás, l'abandonu de los homes supera al de les muyeres nun 9%.

Les causes que lleven al abandonu son múltiples dende factores individuales, familiares hasta'l mercáu llaboral. Por esi motivu resulta fundamental tocar una intervención integral y encara los problemes d'orientación del alumnáu apunta Elena Quintana, subdirectora del Llaboratoriu d'investigación y anovación FP de la Universitat de les Illes Balears.

Europa márcase como oxetivu que l'abandonu tempranu de la educación nun supere'l 9% en 2030. España ta anguaño perriba d'esa cifra.