Aumenta l'usu de la píldora del día dempués

El preservativu sigue siendo'l métodu anticonceutivu más usáu ​

La Sociedá Española de Contracepción denuncia la desigualdá qu'esiste ente comunidaes nel accesu de les muyeres a l'atención de salú sexual y reproductiva.

Consideren que la Llei de Salú Sexual y Reproductiva nun s'aplica correctamente en dellos territorios. Asturies ta ente les esceiciones.

La encuesta ellaborada pola Sociedá Española de Contracepción evidencia que'l preservativu sigue siendo'l métodu anticonceutivu más usáu con cuasi'l 36% frente al 22,5% de métodos hormonales.

Aumenta abondo l'usu de la píldora del día dempués, anque España ta per debaxo de la media. Per otra parte, namás el 20% de les muyeres toma anticonceutivos como tratamientu a los síntomes de la menstruación.

Un terciu de les muyeres encuestaes quedría pidir la baxa llaboral pola regla, pero namá la metá de les que quedríen ausentase fáenlo, por mieu a consecuencies llaborales.