Cara a cara ente Sánchez y Feijóo cola amnistía cuasi zarrada pero'l 'casu Koldo' activu

Sánchez pide a Feijóo qu'esixa la dimisión a Ayuso "anque-y cueste'l so puestu"

El presidente del Gobiernu, Pedro Sánchez y el líder del PP, Alberto Núñez Feijóo, vuelven a enfrentase esti miércoles nel plenu del Congresu nun momentu de máxima tensión ente l’Executivu y la oposición pola Llei d’Amnistía, que la Cámara Baxa zarrará esti xueves pero col 'casu Koldo' activu.

Sánchez va a la sesión de control al Gobiernu nel plenu del Congresu un día dempués de que’l Senáu aprobare la creación d’una comisión d’investigación sobre la presunta trama de corrupción na que presuntamente ta inxertu l’ex-asesor de José Luis Ábalos, Koldo García, venceyada a la venta de mazcarines a delles alministraciones.

El líder del PP, Alberto Núñez Feijóo, y el de Vox, Santiago Abascal, cargarán escontra Sánchez énte esti escándalu que provocó’l cese del ex-secretariu xeneral de Puertos del Estáu, Álvaro Sánchez Manzanares.