Colombres va allugar el mandatu del Conseyu Xeneral de la Ciudadanía Española nel Esterior

En castellano: Colombres albergará el mandato del Consejo General de la Ciudadanía Española en el Exterior

Van tratar la creación d'una circunscripción electoral nel esterior y la problemática de la xestación subrogada ente otros

Nel plenu del Conseyu Xeneral de la Ciudadanía Española nel Esterior van tratase 45 propuestes del centenar que s'aldericaron nos últimos meses en distintes comisiones. En llinia con una propuesta fecha va meses pol presidente del Principáu, va plantegase la creación d'una circunscripción electoral nel esterior pa los españoles que viven fuera d'España. Asina lo esplica Violeta Alonso, presidenta del Conseyu Xeneral de la Ciudadanía Española nel Esterior.

Tamién se va tratar otru tema que los esmolez: el posible usu de la xestación subrogada, que ye llegal n'otros países, como una fórmula que pudiera dexar garrar la nacionalidá española a ñácaros nacíos fuera d'España al traviés d'esti métodu de reproducción asistida.

El plenariu del Conseyu Xeneral de la Ciudadanía Española nel Esterior va celebrase na Quinta Guadalupe, sede del Archivu d'Indianos y Muséu de la Emigración.

El Conseyu Xeneral de la Ciudadanía Español nel Esterior ye un órganu de calter consultivu adscritu al ministeriu d'Inclusión, Seguridá Social y Migración. El so titular va tar presente nesta xunta que per primer vegada faise n'Asturies.

Comparte