El Congresu refuga tramitar la reforma llegal pa l'acoyida de menores migrantes

Junts anuncia que va valtar el techu de gastu de 2025, pasu previu a los Presupuestos

El Congresu valtó esti martes tomar en considerancia la propuesta del PSOE, Sumar y Coalición Canaria pa reformar la llei d'extranxería coles mires d'establecer un repartu venceyante de menores migrantes non acompañaos ente les comunidaes autónomes pa solliviar zones tensionaes como Canaries.

Con 177 votos a la escontra, 171 a favor y 1 abstención, l'intentu de tramitar esta propuesta na Cámara Baxa fracasó al nun cuntar finalmente col sofitu del PP, qu'alvirtiera d'ello si nun se teníen en cuenta les sos esixencies, nin col de Junts.

Les negociaciones con dambes formaciones allargáronse tola xornada hasta la votación, pero finalmente nun acabaron n'alcuerdu pa empezar a tramitar la reforma.