El Gobiernu blinda'l llobu, que dexará de ser especie cinexética dende mañana

Asturies, Cantabria, Galicia y Castiella y Lleón recurrirán la decisión

El llobu dexa ser especie cinexética pa pasar dende mañana al Llistáu d’Especies Silvestres en Réxime de Protección Especial. La Orde ministerial asoleyada güei nel BOE acaba cola posibilidá d’abatir esta especie al norte del Dueru pa protexer a les poblaciones de llobu de tol país.

La orde ministerial inxerta dos disposiciones adicionales. La primera inxerta la posibilidá de facer captures que tuvieren afitaes enantes de la so entrada en vigor siempres que nun funcionaren les midíes preventives y de protección del ganáu, nun afecten a la conservación de la especie y que se xustifique l’estrozu recurrente o significativu pal ganáu.

La segunda afita que la futura Estratexa de caltenimientu y xestión del llobu tendrá que ser aprobada pola Conferencia Sectorial de Mediu Ambiente que tendrá que celebrase enantes del 31 d’avientu d’esti añu.

Asturies, Cantabria, Galicia y Castiella y Lleón, onde habita’l 95% de la población de llobu, dieron anuncia de que recurrirán a los tribunales la decisión.

P’Alejandro Calvo inxertar al llobu enantes de decidir la nueva estratexa inxerta un problema d’inseguridá xurídica nos planes de control del llobu n’Asturies.

Amás de dir a los tribunales Calvo esplicó qu’Asturies xubirá una consulta al Miteco pa qu’esplique l’impactu que tendrá la nueva orde sobre’l plan de control del llobu nel periodu 2021-2022.